Deilig eltefritt havrebrød

Havrebrød - varmtEtter ei lita pause frå brødbakinga fekk eg det over meg igjen: Kvifor ikkje lage ferskt brød til søndagsfrukosten? Det høyrast slitsomt ut, men med eltefrie brød er det gjort ved å spandere 5 minutt på laurdags formiddag og så tek det ein liten time på søndagen før brødet er ferdig. Eg har lenge sverga til mitt eltefrie to-kornsbrød, men denne helga måtte eg prøve noko nytt. Det endte opp med eit deilig og saftig, og litt lyst, havrebrød, perfekt for ein roleg søndag.

Ingrediensar:
325 g kveitemjøl
150 g havremjøl
50 g lettkokte havregryn
1 ts salt
0,5 ts tørrgjær
4-4,5 dl vatn
Ein liten neve store havregryn

Slik gjer du:
1. Bland saman alt det tørre i ein bolle og rør det lett saman.
2. Tilsett vatn og rør raskt saman til ei litt våt deig. Om den blir for våt, ha i litt ekstra kveitemjøl.
3. Dekk bollen med plastfolie og la deigen stå i 12-24 timar.
4. Brødet skal steikast i ei ildfast gryte med lokk, som f.eks. ein Römertopf eller ei jerngryte med jernlokk. Sett denne inn i kald ovn og skru ovnen på fullt (250 grader).
5. Dryss rikeleg med kveitemjøl på kjøkkenbenken din og tøm deigen over mjølet.
6. Brett deigen saman inn frå sidene fleire gongar til den får fin konsistens. End opp med å legge brødet med brettesida ned oppå mjølet.
7. Ha litt vatn på deigen og dryss over litt store havregryn. Trykk dei forsiktig ned i brødet og dryss på litt kveitemjøl til pynt.
8. La deiga kvile til ovnen er varm.
9. Når ovnen er varm tar du ut gryta og lokket frå ovnen og sett dei på kvar sin varmedempar. Ha deigen oppi og legg på lokket.
10. Sett gryta med deigen i ovnen og la den steike i 30 min.
11. Ta av lokket og la brødet steike nye 7-8 minutt til brødet er blitt lysebrunt og fint.
12. Ta ut brødet av ovnen og hell det over ei rist og la det kjøle seg ned.

Nyt med smør og geitost!

Pizza bianco med skinke, sopp, bacon, feta og oliven

Pizza-9337-2Eg trudde lenge at pizza og tomatsaus var to sider av samme sak. For kven kunne sjå føre seg at pizza ikkje skulle vere raud? Andre, f.eks. Håvard Egge, har laga ein alternativ pizza med raud saus, nemleg pizza med jordbærsaus, og det er jo rart.  Men den pizzaen er i alle fall raud!

Men så kom eg over pizza bianco. Kvit pizza. Motvillig lot eg meg overtale til bestille ein slik ein gong eg var på ein av mine favorittpizzarestauranter i Trondheim (som no dessverre har tapt seg så masse at eg ikkje vil fortelje kva restaurant det var). Og makan til pizza! Fråveret av tomatsaus gjorde at resten av fyllet kom mykje meir til sin rett.

Heime hos oss har denne pizzaen teke over. Tomatsaus er ut. Pizzaen har utvikla seg til ein deilig luksuspizza med alt som er godt på.

Til slutt eit lite tips: Pizzaen BLIR betre om du steiker den nederst i ovnen, på pizzastein med ovnen på full fres.

Oppskrifta her gir to italienske pizzaar, nok til 3-4 personar.

Ingrediensar:
300 g kveitemjøl
25 g gjær
1 ts salt
2 ss olivenolje
300 g sjampinjong
75 g bacon
75 g oppskjert kokt skinke
250 g raspa Norvegia (eller annan kvit ost)
100 g raspa Cheddar (eller annan kvit ost)
50 g fetaost
1 dl Creme Fraise
20 grønne oliven
salt
pepper

Slik gjer du:
!. Løys opp gjær i lunka vatn. Tilsett olje, salt og til slutt mjøl. Køyr i kjøkkenmaskin eller elt for hand til deigen blir glatt og elastisk.
2. Dekk deigen med plastfolie og la den heve til dobbel storleik.
3. Del deigen i to og kjevle ut to pizzabotnar. Kjevle dei gjerne ut på bakepapir, då blir det lettare å overføre dei til pizzasteinen. Om du har god pizzaspade kan du droppe bakepapiret, det blir tross alt best. La pizzabotnane heve på benken.
4. Sett pizzasteinen (om du har) nederst i ovnen og skru ovnen på fult.
5. Medan botnane hevar skjer du sopp i skiver, bacon i småbitar og kokt skinke i små firkantar.
6. Steik sopp og bacon til soppen er nesten stekt og bacon er litt lysare enn du ellers ville hatt han. Det kan vere lurt å steike bacon og sopp kvar for seg og på litt lågare varme enn du ellers ville gjort. Salte og pepre soppen slik at han smakar godt.
7. Når ovnen er varm kjevlar du pizzabotnane igjen. Om du likar litt tjukk kant, let du vere å kjevle ned desse.
8. Fordel creme fraise på dei to pizzabotnane. Ha så på ost. Fordel sopp, bacon og skinke på dei to pizzaane før du smuldrar over fetaost. Til slutt pyntar du med oliven.
9. Pizzaen steikast i 7-10 minutt (avhengig av kor varm ovnen din blir) til osten byrjar å bli gylden. Om du løftar litt på pizzaen med ein steikespade skal botnen har områder som er mørkebrune, men ikkje svidde.
10. Server med ein grøn salat og ei kald øl.

Eltefritt 2-kornsbrød – eit saftig brød med rista graskarkjerner

2 kornsbrød-6349

Etter å ha elta og heva og knadd og venta på brøa til Morten Schakenda (som blir aldeles strålande brød, som f.eks. loff), var det ein revolusjon å oppdage eltefrie brød. Det var gjort i ein fei, deigen er ferdig på 2-3 minutt (med unnatak at ein må vente 12-24 timar frå du set deigen til du steiker brødet…)

Det begynte med at eg las denne artikkelen av Christoffer Sjuve og fekk perfekt resultat på første forsøk. Eg blei så inspirert at eg kjøpte kokeboka til Ina-Janine Johnsen om eltefrie brød. Men eg fant ikkje heilt brødet som eg synast er det perfekte kvardagsbrødet. Med inspirasjon frå dei to over kom eg fram til følgande, som er eit saftig brød med graskarkjerner. Høgdepunktet er at graskarkjernene blir rista på toppen av brødet og blir deilig sprø.

Ingrediensar:
300 g kveitemjøl
150 g sammalt speltmjøl
25 g solsikkekjerner
25 g graskarkjerner
1,5 ts salt (7 g)
0,5 ts tørrgjær
ca 4 dl vatn
litt graskarkjerner til pynt

Slik gjer du:
1. Bland saman alt det tørre i ein bolle og rør det lett saman.
2. Tilsett vatn og rør raskt saman til ei litt våt deig. Om den blir for våt, ha i litt ekstra kveitemjøl.
3. Dekk bollen med plastfolie og la deigen stå i 12-24 timar.
4. Brødet skal steikast i ei ildfast gryte med lokk, som f.eks. ein Römertopf eller ei jerngryte med jernlokk. Sett denne inn i kald ovn og skru ovnen på fullt (250 grader).
5. Dryss rikeleg med kveitemjøl på kjøkkenbenken din og tøm deigen over mjølet.
6. Brett deigen saman inn frå sidene fleire gongar til den får fin konsistens. End opp med å legge brødet med brettesida ned oppå mjølet.
7. Ha litt vatn på deigen og dryss over nokon graskarkjerner. Trykk dei forsiktig ned i brødet og dryss på litt kveitemjøl til pynt.
8. La deiga kvile til ovnen er varm.
9. Når ovnen er var tar du ut gryta og lokket frå ovnen og sett dei på kvar sin varmedempar. Ha deigen oppi og legg på lokket.
10. Sett gryta med deigen i ovnen og la den steike i 30 min.
11. Ta av lokket og la brødet steike nye 5-6 minutt til brødet er blitt lysebrunt og fint.
12. Ta ut brødet av ovnen og hell det over ei rist og la det kjøle seg ned.

Nyt med smør og brunost.