Pai med røykelaks

Pai med laks

Her er ei enkel og god paioppskrift på, ja, du skjønte det, pai med røykelaks. På ei slik oppskrift kan ein variere med alt av fyll, men følger du denne oppskrifta får du ein smakfull og saftig pai.

Ingrediensar
2 ss vatn
ca 200 gr kveitemjøl
125 gr smør
100 gr røykelaks
150 gr sopp (f.eks. sjampignong)
1/2 purre
ca 10 små bukettar broccoli
litt finhakka, raud chilli
200 gr riven ost, f.eks. Norvegia
4 egg
2,5 dl lettmelk
salt og pepper.

Slik gjer du
1. Skjer smøret i terningar og la det bli litt mjukt i romtempratur
2. Smulde smør og mjøl, gjerne i kjøkkenmaskin.
3. Ha i litt og litt vatn medan du knar. Stopp når deiga samlar seg til ein klump.
4. La deiga kvile i kjøleskapet i 30 min.
5. Skru på steikeovnen til 200 grader.
6. Trykk ut deigen i ei paiform og forsteik deigen i 15 min på 200 grader.
7. Medan deiga steiker steiker du oppskorne grønnsaker til dei blir al dente. Tilsett chilli på slutten av steiketida.
7. Ta ut den forsteikte deiga og skru ned ovnen til 175 grader.
8. Fordel stekte grønsaker og oppskåre røykelaks i forma.
9. Rør saman egg, melk og litt salt og pepper.
10. Dryss over reve ost og hell over blandinga.
11. Steik i 30 min eller til den paien byrjar å bli godt stekt på toppen ved at osten byrjar såvidt å bli gyllen brun.
12. Serverast med ein salat.

Pizza bianco med skinke, sopp, bacon, feta og oliven

Pizza-9337-2Eg trudde lenge at pizza og tomatsaus var to sider av samme sak. For kven kunne sjå føre seg at pizza ikkje skulle vere raud? Andre, f.eks. Håvard Egge, har laga ein alternativ pizza med raud saus, nemleg pizza med jordbærsaus, og det er jo rart.  Men den pizzaen er i alle fall raud!

Men så kom eg over pizza bianco. Kvit pizza. Motvillig lot eg meg overtale til bestille ein slik ein gong eg var på ein av mine favorittpizzarestauranter i Trondheim (som no dessverre har tapt seg så masse at eg ikkje vil fortelje kva restaurant det var). Og makan til pizza! Fråveret av tomatsaus gjorde at resten av fyllet kom mykje meir til sin rett.

Heime hos oss har denne pizzaen teke over. Tomatsaus er ut. Pizzaen har utvikla seg til ein deilig luksuspizza med alt som er godt på.

Til slutt eit lite tips: Pizzaen BLIR betre om du steiker den nederst i ovnen, på pizzastein med ovnen på full fres.

Oppskrifta her gir to italienske pizzaar, nok til 3-4 personar.

Ingrediensar:
300 g kveitemjøl
25 g gjær
1 ts salt
2 ss olivenolje
300 g sjampinjong
75 g bacon
75 g oppskjert kokt skinke
250 g raspa Norvegia (eller annan kvit ost)
100 g raspa Cheddar (eller annan kvit ost)
50 g fetaost
1 dl Creme Fraise
20 grønne oliven
salt
pepper

Slik gjer du:
!. Løys opp gjær i lunka vatn. Tilsett olje, salt og til slutt mjøl. Køyr i kjøkkenmaskin eller elt for hand til deigen blir glatt og elastisk.
2. Dekk deigen med plastfolie og la den heve til dobbel storleik.
3. Del deigen i to og kjevle ut to pizzabotnar. Kjevle dei gjerne ut på bakepapir, då blir det lettare å overføre dei til pizzasteinen. Om du har god pizzaspade kan du droppe bakepapiret, det blir tross alt best. La pizzabotnane heve på benken.
4. Sett pizzasteinen (om du har) nederst i ovnen og skru ovnen på fult.
5. Medan botnane hevar skjer du sopp i skiver, bacon i småbitar og kokt skinke i små firkantar.
6. Steik sopp og bacon til soppen er nesten stekt og bacon er litt lysare enn du ellers ville hatt han. Det kan vere lurt å steike bacon og sopp kvar for seg og på litt lågare varme enn du ellers ville gjort. Salte og pepre soppen slik at han smakar godt.
7. Når ovnen er varm kjevlar du pizzabotnane igjen. Om du likar litt tjukk kant, let du vere å kjevle ned desse.
8. Fordel creme fraise på dei to pizzabotnane. Ha så på ost. Fordel sopp, bacon og skinke på dei to pizzaane før du smuldrar over fetaost. Til slutt pyntar du med oliven.
9. Pizzaen steikast i 7-10 minutt (avhengig av kor varm ovnen din blir) til osten byrjar å bli gylden. Om du løftar litt på pizzaen med ein steikespade skal botnen har områder som er mørkebrune, men ikkje svidde.
10. Server med ein grøn salat og ei kald øl.

Ziti: Verdas beste lasagne

Mat-7095Mat-7101

Kanskje hugsar du når Tony Soprano kom heim seint og gjekk rett i kjøleskapet og fant fram ei skål med gratinert pasta? Det var Carmela sin ziti; ein gratinert pastarett med sterke italienske pølser. Fleire har forsøkt å nitidig plukke oppskrifta utifrå kva Carmela fortel om retten i serien, og kanskje finn du ei tradisjonstro oppskrift på nettet. Dette er er ikkje ei tradisjonstro oppskrift, men derimot ein spansk-italiensk-norsk bastard. Ziti er ikkje å oppdrive i Norge, og er blitt erstatta av lasagneplater. Eg har beholdt Carmela sine triks med sterke pølser, kvitsaus med mjukost og eit lag med basilikum, men det er norsk smøreost i staden for Ricotta og det er spansk chorizo. Det er uansett verdas beste lasagne og han går under namnet Ziti heime hos oss.

Til slutt: Takk til Steffen, Tale og Håvard som lagde dei første versjonane av retten!

Ingrediensar
0,5 lauk
0,5 dl olivenolje
2 fedd kvitlauk
1 boks hakka tomatar
1 grønnsaksbuljongterning
1 ss tørka oregano
1 ss tørka basilikum
0,5 dl raudvin
0,5 dl konsentrert blåbærsaft
2,5 ss søt chilisaus
pastaplater
1 plante basilikum
250 g sterk steikechorizo
1 boks lettrømme
250 g naturell smøreost (som f.eks. TINE Naturell eller Philadelfia) eller ein boks Ricotta
250 g raspa ost (f.eks. Norvegia)
salt og pepper

Slik gjer du
1. Ha olivenolja i ei gryte og vent til den er varm. Ha i finhakka lauk og fres den til den blir blank og mjuk. Ha så i finhakka kvitlauk og la den frese med i 30 sekund.
2. Ha i hakka tomatar, dei tørka kryddera, buljongterning, raudvin, blåbærsaft og søt chillisaus. La koke i minimum 30 miniutt, gjerne opp mot ein time.
3. Medan sausen kokar skjer du chorizoen opp i små bitar og steiker dei godt.
4. Smelt smøreosten på låg varme (dette treng du ikkje gjere om du brukar ricotta). Når den er fin og glatt blandar du den med rømmen.
5. Ta av alle blada av basilikumplanta.
6. Ha den stekte chorizoen i tomatsausen, med fett og alt. Smak til med salt og pepper. Sausen skal vere søtlig og litt sterk.
7. Smør ei ildfast form med olivenolje og legg lagvis med pastaplater, kvit og raud saus. Etter eit par lag, legg eit lag med fersk basilikum før du fortset med pastaplater og dei kvite og raude laga.
8. Topp med riven ost.
9. Steik i ca 20 minutt til osten byrja å bli gylden og pastaen er mør.
10. La den kvile i ca 10 minutt og server med salat og loff med kvitløsksmør.